“ການລົງລາຍເຊັນທາງໄກ” ຂອງທ່ານ ແມ່ນຈະຢູ່ໃນອຸປະກອນຂອງທ່ານ - ດັ່ງນັ້ນ ມັນຈຶ່ງງ່າຍໃນການເຂົ້າເຖິງຕະຫຼອດເວລາ.
ພຽງແຕ່ທ່ານມີການເຊື່ອມຕໍ່ອິນເຕີເນັດ ແລະ ອຸປະກອນຂອງທ່ານ
ເປັນວິທີປອດໄພ ໃນການຢັ້ງຢືນຕົວຕົນ ທາງເອເລັກໂຕຣນິກ ເຊິ່ງຖືກຮັບຮອງໂດຍດ້ວຍກົດໝາຍຂອງ ສປປ ລາວ .
ມັນເຖິງເວລາແລ້ວ ສຳຫຼັບວິທິທາງໃໝ່ໃນການນຳໃຊ້ບໍລິການອີເລັກໂຕນິກ, ຖ້າທ່ານຕ້ອງການເຂົ້າເຖິງບັນຊີທະນາຄານທາງອອນລາຍ ແລະ ການບໍລິການອີເລັກໂຕຣນິກອື່ນໆ ໃນການກົດພຽງແຕ່ສອງ-ສາມຄັ້ງ? ນຳໃຊ້ ແອັບລົງລາຍເຊັນທາງໄກໄດ້ເລີຍ
ການລົງລາຍເຊັນທາງໄກ ແມ່ນເປັນເຄື່ອງມືທີ່ຢັ້ງຢືນຕົວຕົນຟຣີ ໂດຍທີ່ເຈົ້າຂອງ ສະມາສໂຟນ ແລະ ແທັບເລັດທຸກໆຄົນສາມາດນຳໃຊ້ໄດ້, ມັນເປັນວິທີທີ່ງ່າຍ, ສະດວກ ແລະ ປອດໄພ ໃນການເຂົ້າເຖິງການບໍລິການອີເລັກໂຕນິກຕ່າງໆ.
ມັນເຖິງເວລາແລ້ວສຳຫຼັບວີທີໃໝ່ໃນການນຳໃຊ້ບໍລິການອີເລັກໂຕນິກ!
ທ່ານບໍ່ຈຳເປັນຕ້ອງຈ່າຍຄ່າ ແອັບ ຫຼື ຄ່າບໍລິການ
ຫຼັງຈາກເຊັນໃນສັນຍາ ໃຊ້ບໍລິການລົງລາຍເຊັນທາງໄກ, ທ່ານຈະໄດ້ຮັບລະຫັດເປີດໃຊ້ງານ ຜ່ານທາງອີເມວທີ່ລົງທະບຽນ.
ໃນກໍລະນີທີ່ນຳໃຊ້ PKI USIM, ທ່ານຈະໄດ້ຮັບ PKI USIM ໃໝ່ ໂດຍມີຄ່າເລີ່ມຕົ້ນ PIN1 ແມ່ນ 123456
ເຂົ້າຮ່ວມການປະຕິວັດດີຈິຕອນ ແລະ ດາວໂຫຼດແອັບ ການລົງລາຍເຊັນທາງໄກ ໃສ່ໃນໂທລະສັບສະມາດໂຟນ ຫຼື ແທບເລັດຂອງທ່ານ! ຮັບປະກັນວ່າທ່ານໄດ້ດາວໂຫຼດແອັບເວີຊັນຫຼ້າແລ້ວ. ການລົງລາຍເຊັນທາງໄກ ແມ່ນເປັນທາງເລືອກເພີ່ມເຕີມ ທີ່ວ່ອງໄວ, ງ່າຍ ແລະ ປອດໄພ ຈາກແບບເດີມ.
ທ່ານສາມາດດາວໂຫຼດແອັບໄດ້ຟຣີ ທີ່ Google Play ແລະ App Store
ສ້າງບັນຊີ ການລົງລາຍເຊັນທາງໄກ ຂອງທ່ານຫຼັງຈາກທ່ານໄດ້ຕິດຕັ້ງແອັບໃສ່ໃນໂທລະສັບສະມາດໂຟນ ຫຼື ແທັບເລັດ.
ທ່ານພຽງແຕ່ຢັ້ງຢືນຕົວຕົນຂອງທ່ານຄັ້ງດຽວ, ເລືອກລະຫັດ PIN ໂດຍຄ່າເລີ່ມຕົ້ນແມ່ນ 12345678
ພຽງແຕ່ເຮັດຕາມຄຳແນະນຳທີ່ມີຢູ່ໃນແອັບ ແລະ ທ່ານກໍ່ຈະສຳເລັດການລົງທະບຽນໃນທັນທີ.
ຈື່ໄວ້:
ນຳໃຊ້ແອັບເວີຊັນຫຼ້າສຸດຢູ່ສະເໝີ! ຫຼັງຈາກການລົງທະບຽນສຳເລັດ, ທ່ານກໍ່ພ້ອມທີ່ຈະເລີ່ມນຳໃຊ້ງານ ໄດ້ເລີຍ!
ເຊັ່ນດຽວກັນ, ທ່ານສາມາດຢັ້ງຢືນຕົວຕົນຂອງທ່ານ ດ້ວຍການເຂົ້າໄປຫາຕົວແທນໃນທ້ອງຖິ່ນຂອງທ່ານ - ຢ່າລືມເອົາເອກະສານບັດປະຈຳຕົວໄປນຳດ້ວຍ!
ທ່ານສາມາດນຳໃຊ້ ການລົງລາຍເຊັນທາງໄກ ໃນສະມາດໂຟນ ຫຼື ແທັບເລັດພຽງເຄື່ອງດຽວ ຫຼື ຜ່ານທັງສອງຢ່າງພ້ອມກັນໄດ້ ຂື້ນຢູ່ກັບທ່ານເອງ. ສີ່ງທີ່ທ່ານຈຳເປັນຕ້ອງເຮັດຄືການລົງທະບຽນບັນຊີ ການລົງລາຍເຊັນທາງໄກ ໃໝ່ໃສ່ແຕ່ລະອຸປະກອນທີ່ມີ PKI USIM ແຕກຕ່າງກັນ.
ຄວາມຕ້ອງການຕ່າງໆຂອງອຸປະກອນສຳລັບການຕິດຕັ້ງແອັບ “ການລົງລາຍເຊັນທາງໄກ”
ພວກເຮົາໄດ້ເຮັດວຽກຢ່າງໜັກເພື່ອໃຫ້ແນ່ໃຈວ່າການນຳໃຊ້ແອັບແມ່ນຈະງ່າຍ ແລະ ສະດວກ, ແຕ່ພວກເຮົາກໍ່ຍັງເຮັດວຽກໜັກກວ່າ ເພື່ອໃຫ້ແນ່ໃຈວ່າຂໍ້ມູນຕົວຕົນທາງດີຈີຕອນຂອງທ່ານແມ່ນໄດ້ຮັບການປົກປ້ອງຢູ່ສະເໝີ.
“ການລົງລາຍເຊັນທາງໄກ” ແມ່ນມີມາດຕະຖານການປ້ອງກັນສູງທີ່ສຸດ: ນັ້ນຈຶ່ງເປັນທາງອອກໃຫ້ແກ່ບັນດາທະນາຄານ ແລະ ຜູ້ໃຫ້ບໍລິການອີເລັກໂຕນິກຕ່າງໆໄວ້ວາງໃຈ. “ການລົງລາຍເຊັນທາງໄກ” ແມ່ນມີຄວາມປອດໄພກວ່າວິທີແບບເດີມ. ທ່ານບໍ່ຕ້ອງກັງວົນວ່າໂທລະສັບຂອງທ່ານຈະເສຍ: ແອັບ “ການລົງລາຍເຊັນທາງໄກ” ບໍ່ໄດ້ເກັບລະຫັດ PIN ຂອງທ່ານໄວ້ໃນອຸປະກອນຂອງທ່ານ ແລະ ບໍ່ໄດ້ເຮັດວຽກຜ່ານ PKI USIM. ເຕັກໂນໂລຊີ່ທີ່ໃຊ້ໃນຜະລິດຕະພັນນີ້ ແມ່ນ Mobile IDTM ແມ່ນໄດ້ຢື່ນຄຳຂໍຈົດສິດທິບັດ ຫຼື ໄດ້ຮັບການຮັບຮອງສິດທິບັດແລ້ວ.
ຕ່າງຈາກວິທີການແບບເດີມ, ທີ່ລະຫັດຜ່ານທັງໝົດຈະຖືກຂຽນໄວ້ໃນແຜ່ນພາລາສະຕິກດຽວກັນ, ແອັບ “ການລົງລາຍເຊັນທາງໄກ” ແມ່ນບໍ່ໄດ້ບັນທຶກລະຫັດຜ່ານໃດໆ.
ລາຍເຊັນອີເລັກໂຕນິກ, ການຢືນຢັນການກະທຳທີ່ຖືກຕ້ອງ, ແມ່ນຈະຖືກລົງລາຍເຊັນ ເມື່ອການຢັ້ງຢືນຕົວຕົນຜູ້ໃຊ້ງທີ່ຖືກຮັບຮອງເທົ່ານັ້ນ. “ການລົງລາຍເຊັນທາງໄກ” ແມ່ນໄດ້ນຳໃຊ້ລະບົບທີ່ສະຫຼັບຊັບຊ້ອນເພື່ອຄວາມໝັ້ນຄົງປອດໄພຂອງແຕ່ລະລາຍເຊັນອີເລັກໂຕນິກ.
ສີ່ງທີ່ທ່ານຕ້ອງການສຳລັບ “ການລົງລາຍເຊັນທາງໄກ” ແມ່ນເຊື່ອມຕໍ່ອິນເຕີເນັດ ແລະ ຈື່ຈຳລະຫັດ PIN-code ຂອງທ່ານ. “ການລົງລາຍເຊັນທາງໄກ” ແມ່ນນຳໃຊ້ 2 PIN ທີ່ແຕກຕ່າງກັນ.
- PIN1 ແມ່ນຖືກນຳໃຫ້ເພື່ອໃຫ້ທ່ານເຂົ້າເຖິງບັນຊີຂອງທ່ານ - ຕົວຢ່າງ ບັນຊີທະນາຄານຂອງທ່ານ.
- PIN2 ແມ່ນຖືກໃຊ້ເພື່ອລົງລາຍເຊັນໃນທຸລະກຳດີຈີຕອນ, ເຊັ່ນ ການໂອນເງິນຜ່ານທະນາຄານ ຫຼື ການລົງລາຍເຊັນໃນເອກະສານ.
- ທັງສອງ PIN ນັ້ນແມ່ນຈະຖືກເລືອກໂດຍທ່ານເອງເມື່ອທ່ານລົງທະບຽນໃນແອັບ “ການລົງລາຍເຊັນທາງໄກ” - ເຊິ່ງຈະເຮັດໃຫ້ຈື່ຈຳໄດ້ງ່າຍ. ເນື່ອງຈາກພວກເຮົາບໍ່ໄດ້ບັນທຶກລະຫັດ PIN-codes ຂອງທ່ານໄວ້, ການຈື່ຈຳລະຫັດແມ່ນມີຄວາມສຳຄັນຫຼາຍ: ຈະບໍ່ມີ “ການແຈ້ງເຕືອນ” ທີ່ທ່ານສາມາດໃຊ້ໄດ້ໃນຄັ້ງຕໍ່ໄປຖ້າຫາກທ່ານລືມ PIN ຂອງທ່ານ, ມີພຽງທາງອອກດຽວ ຄືລຶບບັນຊີ ແລະ ສ້າງໃໝ່ອີກບັນຊີໃໝ່. ຈົ່ງໝັ້ນໃຈທີ່ຈະເລືອກ PIN-codes ຂອງທ່ານຢ່າງລະມັດລະວັງ ແລະ ຫ້າມບອກແກ່ບຸກຄົນອື່ນ!
- ຖ້າຫາກມີຄົນລັກອຸປະກອນໂທລະສັບຂອງທ່ານ ແລະ ພະຍາຍາມທີ່ຈະ “ແຮກ” ເຂົ້າໃນບັນຊີຂອງທ່ານ, ລະຫັດ PIN-codes ຈະຮັກສາຂໍ້ມູນຂອງທ່ານໃຫ້ປອດໄພ. ຄັ້ງທຳອິດ ຖ້າທີ່ມີການປ້ອນລະຫັດ PIN-codes ຜິດຕິດຕໍ່ກັນ 3 ຄັ້ງ, ບັນຊີຂອງທ່ານຈະບລັອກເປັນເວລາ 3 ຊົ່ວໂມງ. ຄັ້ງທີ່ສອງ ທີ່ມີການປ້ອນລະຫັດ PIN-codes ຜິດຕິດຕໍ່ກັນ 3 ຄັ້ງ, ບັນຊີຂອງທ່ານຈະຖືກບລັອກເປັນເວລາ 24 ຊົ່ວໂມງ. ແລະ ຖ້າຫາກເກີດຂື້ນອີກເປັນຄັ້ງທີ່ 3 ບັນຊີຂອງທ່ານຈະຖືກບລັອກຢ່າງຖາວອນ.
